Salam saka Suriname

      "Aku wong Jawa Suriname.
Apa tulisanku kira2 kena diwaca karo wong Jawa sangka pulo Jawa ya????
Adewe krasan ning Suriname kok. Sakwise kepriye, adewe ya rumangsa penduduke negara Suriname...lan cukup
golek sandang lan pangan.
Nanging adewe ora lali sangkane....
Isik sedulur karo sampean kabeh.
Salam sangka aku, D. Sodirijo"

March 6, 2012 9:45 PM

Tulisan ing nduwur iki mujudake salah sawijining komentar saka pembaca Blog “Jawa Suriname – Suriname Jawa” sing ana ing Suriname. Aku nganti mrinding nalika maca tulisan iku mau sing bisa diwaca ana ing link iki: http://jawa-suriname.blogspot.com/search/label/peta. Sanajan aku durung isa mbuktekake yen “D. Sodirijo” iku bener Wong Suriname Jawa utawa Wong Jawa sing saiki urip ana ing Suriname, ananging aku mikir positip wae yen priyayi iki pancen kaya mangkono anane.

Aku seneng yen sarana Blog iki kita dadi cedak tanpa wates antarane awake dewe sing ana ing tanah Jawa karo para sedulur keturunann Jawa sing ana ing Suriname. Lan, nyatane para sedulur ing ngendi wae, ora mung sing ana ing Suriname, banjur pada melu nanggapi lan pada melu kekancan sarana Blog iki. Wong Jawa sak donya  dadi pada kumpul lan pada nyapa siji lan sijine ana ing Blog iki. Kaya to, sing ana ing Sumatra, Kalimantan, Timur Tengah, Belanda, lan liya-liyane. Ya, pancen iku sing dadi tujuanku nggawe Blog iki.

Sing ndadekke aku seneng ora mung iku, nanging uga amarga kanca ing Suriname sing jenenge D. Sodirijo iku mau ngabarke yen deweke krasan urip ana ing Suriname lan cukup sandang pangan. D. Sodirijo uga ora lali saka sangkan parane, yaiku tanah Jawa, lan uga ora lali marang para sedulur ing tanah Jawa.

Aku mung isa ndedonga utawa nyembayangake, muga-muga para sedulur ing Suriname pada sehat lan urip mulya. Semono uga para sedulur kabeh sing ana ing tanah Jawa, Sumatra, Kalimantan, Arab Saudi, Malaysia, Belanda (Walondo), Australia, Amerika, Korea, lan liya liyane. Salam uga kanggo D. Sodirijo lan para sedulur kabeh. Matur nuwun wis kersa mampir lan paring tanggapan ing Blog iki.

Nuwun.

Read More..

Suriname. A Brother Country of Indonesia

Suriname Ambassador to Indonesia, Angelic Caroline Alihusain:

"Numbers of Javanese people living in Suriname make Indonesia become the brother country for Suriname. Since many of Javanese descendants are there, automatically Javanese culture is strongly felt in Suriname." 

"And the fact that they have been merged into Suriname nation makes Indonesia be not only a friend state for Suriname, but more that become brother country," said Angelic here Wednesday, after signing the Commemorative Cover in the Framework of 35th Anniversary of the Establishment of Diplomatic Relation between Indonesia and Suriname."      

Angelic said: "120 years ago, there was a Javanese stepped in Suriname land for the first time and hence created history of Javanese people who lived in the country which most of the citizens were descendants". 

The signing took place in Ministry of Culture and Tourism building, which was also attended by General Secretary of the Minister, Wardiyatmo and also General Director of Post and Telecommunication Muhammad, Budi Setiawan. Wardiyanto said Javanese descendants had been an influence group in Suriname, either in administration or society.

"There are five Javanese descendants who become Ministers in the republic of Suriname; and it shows that Javanese is strongly related to Suriname," he said. Moreover, he added, the signing of Commemorative Framework did not only become the follow up of Culture Changes Program, which was conducted in September 2010, but also as the effort to explore bilateral relationships in any sectors. 

"Since culture is the root of bilateral relationship between Indonesia and Suriname, I wish after this framework signing, we will have bilateral relationship in many sectors, especially in economics," he said. (Sumber : "antara" - www.antara.co.id)

taken from:
KOMPAS.com (JAKARTA, January 6, 2010)
http://english.kompas.com/read/2011/01/06/07032753/Suriname.A.Brother.Country.of.Indonesia-5 Read More..

Sugeng Natal. Mugi-mugi saged dados Juara AFF Suzuki Cup 2010.

Sugeng Natal kanggo para sadulur Indonesia ing tanah jawa lan pulau liyane. Uga kanggo para sadulur ing Suriname. Mugi Gusti tansah paring berkah dumateng kita sadaya. Lan ugi dumateng Timnas PSSI saengga saged dados Juara AFF Suzuki Cup 2010.

Berkah Dalem.

.

Read More..

Pitutur Jawa Maneka Warna, Tan Ana Liya

Pitutur Jawa iku ana maneka warna, komplit lan ampuh utawa jero banget maknane. Ing antarene sing akeh iku, ing ngisor iki tak tuliske sithik. Muga-muga ana gunane kanggo sampeyan. 

Yen sampeyan ngerti utawa nduwe pitutur Jawa liyane, tak suwun sampeyan kersa paring pitutur iku ana ing Blog Jawa-Suriname_Suriname-Jawa iki. Matur nuwun.

"Aja Adigang, Adigung, Adiguna"

"Aja dumeh".

"Aja gumunan, aja getunan, aja kagetan, aja aleman"

"Aja ketungkul marang kalungguhan, kadonyan lan kemareman" 

"Aja kuminter mundak keblinger, aja cidra mundak cilaka, sing was-was tiwas"

"Aja milik barang kang melok, aja mangro mundak kendo" 

"Ajining raga gumantung ana ing busana, ajining dhiri dumunung ana ing lathi".

"Alon-alon waton kelakon".

"Ana rembug, dirembug".

"Becik ketitik, ala ketara".

"Dadio godhong emoh nyuwek. Dadio banyu emoh nyawuk".

"Dhemit ora ndulit, setan ora doyan".

"Datan serik lamun ketaman, datan susah lamun kelangan"

"Ing ngarsa sung tuladha, ing madya mangun karsa, tut wuri handayani".

"Jer basuki mawa bea".

"Jopa-japu nambani turuk asu. Mari karepmu, ora mari karepmu".

"Memayu hayuning bawana, ambrasta dur hangkara"

"Nglurug tanpa bala, menang tanpa ngasorake".

"Ora ubet, ora ngliwet".

"Sekti tanpa aji-aji, sugih tanpa bandha"

"Sepi ing pamrih rame ing gawe, banter tan mbancangi, dhuwur tan ngungkuli"

"Sing prihatin bakal mimpin"

"Sing resik uripe bakal mulya"

"Sing sabar lan ngalah dadi kekasih Allah"

"Sing salah bakal seleh".

"Suradira jayaningrat, lebur dening pangastuti".

"Tamba teka, lara lunga".

"Urip iku urup"

"Yen wedi aja wani-wani, yen wani aja wedi-wedi".

.

Read More..

Busana Jawa Ora Bakal Luntur

Busana Jawa kayane ora bakal luntur, apa maneh ilang saka ing kabudayan Jawa. Sanadyan Wong Jawa saiki wis bisa diarani modern, ananging para priyayi Jawa isih ngugemi kabudayane, khususe busana.

Busana Jawa kaya ing photo sebelah iki biasane dienggo sajrone acara-acara resmi, kayata mantenan, sunatan, mreti dhusun, wayangan, lan liya-liyane. Ana ing acara Mis Suci agama Katholik ing Jawa Tengah uga kadang-kala nganggo busana Jawa kaya mangkono iku. Sing mesthi, ing Kraton Solo lan Kraton Yoja Busana Jawa ora bakal ilang.

Yen dirasakake, Busana Jawa iku pancen mujudake salah sawijining kabudayan Jawa sing adiluhung. Awit saka Blangkon sing dienggo ana ing sirah, banjur Keris, nganti sandal utawa tlumpakan sing diagem ana ing sikil utawa suku, kayane ngemu teges sing luhur. Apa sebabe keris dienggo ana mburi? Jarene ngemu teges dhewe. Ananging aku ora mangerti.

Yen sampeyan bisa menehi ngerti tegese Busana Jawa siji-mbaka-siji, tak sumanggakake nanggapi tulisanku iki ana Blog "Jawa-Suriname_Suriname-Jawa" iki. Sadurunge aku ngaturake matur nuwun. Ora lali, aku ngajak sampeyan kabeh, ayo padha nglestarekake kabudayan Jawa, sing salah sawijine yaiku Busana Jawa. Yen ora awake dhewe sing nglestarekake, lan nggawe luwih maju, banjur sapa maneh? Sumangga..!!

Photo ing ndhuwur iki kajupuk sarana ijin saka ing Blog "Stanley's Photo Gallery".

.

Read More..

Mbah Maridjan. Martir lan Kanca Sejati.

Mbah Maridjan tilar donya nalika dina Rebo tanggal 27 Oktober 2010 ing kampung kelahirane, yaiku Dusun Kinahrejo, Desa Umbulharjo, Kecamatan Cangkringan, Kabupaten Sleman, Daerah Istimewa Yogyakarta. Mbah Maridjan seda kanthi sujud manembah marang Gusti Kang Murbeng Dumadi amarga netebi dhawuhe Kanjeng Ratu Sri Sultan Hamengku Bhuwana IX anggone dadi Juru Kunci Gunung Merapi naliko gunung Merapi mbledhos lan muntahake lahar panas sasi Oktober 2010.

Bab tilare mbah Maridjan iki dadi omongane wong akeh. Ana sing nyalahake mBah Maridjan amarga dheweke ngeyel ora gelem lunga ninggalake omahe, kang mangka gunung Merapi wis bakal mbledhos kaya sing dikandhakake dening para ahli sing ngawasi gunung Merapi. Nanging akeh uga wong kang padha ngalem mBah Maridjan anggone teteg ora gelem ninggal glanggang colong playu netebi kuwajibane nunggu gunung Merapi.

Yen dinalar nganggo pikiran manungsa jaman saiki, sing pancen wis luwih nggunakake rasio lan uga materi, katimbang nggunakke ati, apa sing dilakoni mBah Maridjan iku mbok menawa bisa diarani sawijining sikap sing keleru, utawa salah. Amarga sing jenenge netebi dhawuh iku tetep kudu nganggo akal, kudu rasional. Ora njur kewanen nglawan alam sing nek di-rasio ora mlebu akal.

Nanging yen diudhari nganggo rasa, nganggo ati, apa sing ditindakake mBah Maridjan iku bisa diarani sawijining sikap kepemimpinan utawa kepahlawanan sing ora ana tandhinge ing jaman saiki, khususe ing Tanah Jawa lan ing Indonesia. Umume pemimpin ing Indonesia saiki iki mung padha mikir kepentingane dhewe-dhewe. Ora peduli rakyate padha ngelih apa ora, tentrem apa ora. Yen ana dhuit selak gage-gage rebutan lan rayahan. Yen ana tanggung-jawab malah ninggal glanggang colong playu.

Mula yen banjur akeh wong nganggep mBah Maridjan iku Martir, utawa uga Pahlawan, kanggone wong Jawa, khususe kanggone masyarakat saindhenging Merapi, tak kira iku ora salah, amarga ing jaman saiki iki wis angel nggolek pemimpin sing nduweni sifat kaya mBah Maridjan iki. Dadi, sebutan Martir utawane Pahlawan iku ora mligi amarga mBah Maridjan bisa nylametake wargane saka lahar Merapi, wong nyatane sing dadi korban ya nganti atusan, ananging luwih-luwih amarga apa sing ditindakake dening mbah Maridjan ikut bisa dinggo tuladha marang pepadha, khususe para pemimpin Indonesia, yen dadi pemimpin iku kudune nduweni sifat wani ngorbanke raga lan nyawane dhewe kanggo rakyate.

Apa sing ditindakake mBah Maridjan iki jumbuh karo sabdane Yesus utawa Nabi Isa mangkene: ”Ora ana katresnan sejati, ngungkuli katresnan kanca sing wani ngorbanke nyawane kanggo kanca-kancane”. Bungah banget aku nduwe Kanca Sejati kaya mBah Maridjan iki. Sugeng tindak dhumateng Kraton nDalem Gusti, mBah Maridjan.. Sugeng pinanggih kaliyan Panjenengan nDalem ingkang sampun ngutus mBah Maridjan..!!

*) Foto mBah Maridjan dijupuk saka: http://karangjunti.wordpress.com

%

Read More..

Keturunan Jawa dadi Menteri lan Kapolri Suriname?

Warga Suriname pada keplok rame banget amarga gumun weruh polahe Buta Cakil sing pethakilan, beda banget karo Arjuna, Satria sing alus tindak-tanduke. Apa sing tak critakke iki yaiku sawijining tari Blambangan Cakil sing dadi salah sawijining pasugatan ana ing acara MALAM BUDAYA INDONESIA-INDOFAIR 2010 ing Paramaribo, Suriname. Acara Indofair dianakake wiwit tanggal 24 September ~ 2 Oktober 2010 kanggo mengeti 120 tahun Imigran Jawa pisanan teka ing Suriname, negara ing Amerika Kidul iku. 

Acara sing didukung dening KBRI ing Suriname iku uga diisi karo Didik Nini Thowok sing nari Dwimuka, sing marakake para penonton padha kepingkel-pingkel. Ana uga Yan Felia, penyanyi saka Solo sing kayane wis kesuwur banget ana ing Suriname. Yan Felia nyanyi lagu "Sewu Kutha" sing uga wis kesuwur ing Suriname. Rombongan kesenian sing digawa dening Kementerian Kebudayaan dan Pariwisata Indonesia itu dadi panglipur kanggone warga Suriname.

Pejabat Tinggi Suriname ngrawuhi acara iku ing antarane Ginmardo Kromosoeto (Menteri Tenaga Kerja Suriname), Hendrik Setrowidjojo (Menteri Peternakan dan Perikanan Suriname), H Setrosentono (Kepala Kepolisian Suriname), lan Soewarto Moestadja (Menteri Dalam Negri Suriname). Kakek-neneke Soewarto Moestadja asale saka Kalirancang, Alian, Kabupaten Kebumen, Jawa Tengah. 

Acara iku dianakake ing Sana Budaya, sawijining pendapa sing nganggo arsitektur joglo duweke Vereniging Herdenking Javaanse Immrigratie (VHJI), yaiku sawijining pakumpulan kanggo pangeling-eling imigrasi Jawa ing Suriname. Sana Budaya pancen papan kanggo kumpule warga Suriname Keturunan Jawa sing jumlahe 15% saka 470.000 jumlah penduduk Suriname.

Ing Sana Budaya ana monumen kanggo mengeti 100 tahun tekaning imigran Jawa ing Suriname sing wujude tugu gunungan. "Saben tanggal 8 Agustus wong-wong pada nganakake pasar malem kanggo mengeti tekaning imigran Jawa kang sepisanan ana ing Suriname. Wong-wong padha nyekar ing gunungan." ature Kim Sontosoemarto (50), pimpinan VHJI.

Sejarahe Imigran Jawa ing Suriname

(diterjemahake saka koran "Kompas", Minggu - 10 Oktober 2010, kaca 1.

Read More..

Ja Pada Nelangsa. Pituture Koes Plus

Uripe nelangsa? Ra usah kokehan nggresula, ya... Awit jaman semana, urip iku ya pancen kaya mangkono iku. Urip iku sakjane ora angel, koq... sing angel iku anggone golek duit... ya, pora?

Seprana-seprenen urip iku, ya pancen rekasa... pengin bukti? Coba gatekna syair lagune Koes Plus ing ngisor iki. Lagu iki digawe tahun 70-an, ta..? Yen ngono awit tahun 70-an urip iku ya pancen wis angel...

Nanging apa uwong iku pengin rekasa terus... lak ya ora ta... kepingine ya mesthi bisa urip mulya. Banjur carane kepriye?

Nyambut gawe sing temen... miturut Koes Plus, lho... nanging yen miturutku, temen thok ora cukup... Temen tur cerdas... Ora rekasa ning duite akeh.... he he ...

Carane piye? Nyobaa dadi Blogger... Awit tahun 2010 ini aku wis mulai ngundhuh hasile... Wayah turu wae entuk duit... atusan dollar, lho... Ra percaya? Nek aku percaya...

-----------------

"Ja padha nelangsa" (Koes Plus)

Ja padha nelangsa
jamane-jaman rekasa

Urip pancen angel
kudune ra usah ngomel

Ati kudu tentrem
nyambut gawe karo seneng

Ulat aja peteng
Nek dikongkon ya sing temen

Lah, apa ta kanca
ati kerep lara
ra gelem rekasa
mbudi-daya

Pancen kabeh pada
pengin urip mulya
wiwitan rekasa
pancen nyata...

***

Read More..

Wayang Jawa. Tambah Maju Apa Malah Mundur?

Read More..

Wong Jawa Kelangan "Gesang"

Wong Jawa ing tahun 2010 iki kelangan salah sawijining warga sing paling pinter ngarang lagu kroncong. Sapa maneh yen ora Gesang, pria sing lahir tgl siji Oktober 1917 iku tilar donya nalika dina Kamis, 20 Mei 2010.

Tak kira ora mung wong Jawa sing rumangsa kelangan panjenengane Bapa Gesang, nanging uga para sadulur warga keturunan Jawa sing ana ing Suriname uga rumangsa kelangan, awit panjengenane Bapa Gesang kabare uga kesuwur banget ana ing Suriname amarga lagu-lagune. Lagu sing paling kesuwur ing antarane yaiku lagu Bengawan Solo, Pamitan, Caping Gunung, Luntur, lan sak panunggalane.

Lagu Bengawan Solo karangane Gesang iki kabare wis diterjemahke nganggo 13 basa, ing antarane basa Inggris, Jepang, Mandarin lan liya-liyane. Saking gedhene bhektine Gesang kanggo nagoro, Jaya Suprana, sing duwe pabrik jamu "Jamu Djago" malah ngusulake yen panjenengane Bapa Gesang pantes banget yen klebu Pahlawan Nasional kanggone bangsa Indonesia.

Tak kira ora mung Jaya Suprana, wong Jawa (lan warga Indonesia) liyane uga setuju panjenengane Bapa Gesang diangkat dadi Pahlawan Nasional. Para sadulur ing Suriname keturunan Jawa sing seneng karo lagu-lagune Gesang tak kira ya bakal setuju.

Yen miturut sampeyan kepriye? Apa pantes Bapa Gesang diangkat dadi Pahlawan Nasional?

foto Gesang dijupuk saka www.jimmyau.com

Read More..

Udan Salah Mangsa ing Tanah Jawa

Jawa Suriname. Suriname Jawa.

Para sadulur kabeh, sing ana ing tanah Jawa utawa sing ana ing Suriname, saiki ing tanah Jawa kayane lagi ngalami apa sing

diarani udan salah mangsa. Tak arani mangkono amarga ing wulan Juni iku yen manut "aturan" kuduna wis ora ana udan wayah esuk. Ananging, nyatane nalika dina Rabu, tanggal 9 Juni 2009 wingi isih ana udan ing wayah esuk.

Sasi April nganti Oktober iku kudune mangsa ketiga. Ora ana udan. Yen ana udan biasane ya mung sesasi pisan. Iku nalika aku isih cilik. Kurang luwih tahun 1970-an. Nganti tahun 1990-an sing tak ngerteni uga isih kaya mangkono iku.

Nanging tahun 2000-nan iki rumangsaku, koq, wis ora kaya sing sakudune. Tanggal 8 Juli 2010, nalika aku nggawe tulisan iki wae

isih ana udan wayah awan. Apa iki sing diarani udan salah mangsa utawa sing basa Inggrise diarani Climate Change.

Yen pancen wis kaya mangkono iku, awake dhewe banjur kudu kepiye? Tak kira ora bisa yen awake dhewe namung meneng wae. Amarga Climate Change iku akibate akeh banget kanggo umat manungsa.

ANA SAMBUNGANE....

Read More..

Peta Jawa Suriname

Peta Jawa Suriname.

Yen sampeyan gatekke gambar peta ndhuwur iki, kira-kira apa sing sampeyan pikirke? Yen aku dadine jengkel karo Londo sing mbiyen nggawa kanca, sedulur, malah mbok menowo nenek-moyange awake dhewe, Wong Jawa sing padha dipeksa dadi budhake Londo neng Suriname.

Perkara saiki Wong Jawa sing neng Suriname iku, jarene, wis padha makmur, iku urusan liya maneh. Ning sing jenenge meksa wong liya kudu dadi budhak iku rak kena diarani ora cocok karo rasa kamanungsan.

Lha piye coba. Saiki Wong Jawa sing padha digawa pekso neng Suriname iku lak ya banjur padha pedhot hubungane karo bojo, kanca, wong tuwa, anak-putu, lan sedulur-sedulure. Kira-kira kahanan rikala semono iku terus kepiye coba..??!!

Sadurunge nggawe Blog Jawa Suriname - Suriname Jawa iki, aku ora pati mudheng sakjane negara Suriname iku pase neng ngendi. Nanging amarga aku pengin nduduhake marang sampeyan kabeh, aku banjur mbukak Google Map. Eee.., jebule Suriname iku ana ing ndhuwure utawa sebelah lore Brazil. Adoh banget. Tak kiro neng dhaerah Afrika kono.

Coba sampeyan gatekke peta sing ngisor dhewe. Neng kono ana dhaerah sing jenenge Taman Redjo (yen kurang cetha, coba di-klik pas nggon gambare utawa photone). Tak kira yen basa Londo utawa basa Suriname ora ana sing kaya ngono iku.

Dadi, ya kira-kira pancen bener yen neng Suriname iku akeh wong sing saka tanah Jawa. Buktine neng kana nganti ana panggonan sing dijenengi Taman Redjo.

Kira-kira apa sing jenenge Taman Redjo iku ya rejo tenan, ya. Kapan awake dhewe bisa dolan mrana, terus nembang campur-sari bareng karo wong Suriname. Sapa ngerti jebule neng kana malah ketemu karo nenek moyange awake dhewe. Sapa ngerti? Iya, ta?

Jawa Suriname.

Read More..

Jamane Jaman Edan?

Wis tau krungu kerata basa iki: "Jamane Jaman Edan, Nek Ra Ngedan Ra Keduman?" Tak kira kabeh wong Jawa wis tau krungu kerata basa iku. Nanging, mbok menawa sampeyan ora ngerti yen koyo ngono iku jenenge kerata basa. Sak ngertiku ukara kaya ngono iku jenenge kerata basa. Nanging apa bener kerata basa apa ora, aku ya ora yakin tenan. Ya, wis. Ora perlu dimasalahke. Sing penting saiki ngomongke intine wae.
Jawa Suriname. Suriname Jawa.
Kanggoku kerata basa iki pas banget kanggone jaman iki. Jaman iki pancen wis ora karu-karuan. Sing bener malah dadi salah. Sing salah malah dianggep bener. Wong salah ora gelem ngaku salah. Nyolong dhuwite negara ora tanggung-tanggung. Ora nduwe isin. Ngakune wong nduwe agama, sembahyange ora tau keri, ora tau telat, nanging nyatane tingkahe ora ngetokke babar blas yen dheweke iku wong sing nduweni agama. Ya kaya ngono iku kanggoku wis isa diarani jaman edan. Jawa Suriname. Suriname Jawa

Buktine jaman edan, ya kuwi mau, korupsi sak karepe dhewe, mangka kudune sing jenenge pimpinan, wakil rakyat, pejabat pemerintah iku mikirke rakyat, menehi conto, lan wani korban kanggo rakyate. Pancen bener gelem korban kanggo rakyat, nanging anggone korban mung yen duwe karep utawa pamrih.

Coba gatekno calon-calon presiden utawa partai-partai yen kampanye nanggon TV. Utawa para calon Bupati, Gubernur, DPR, lan sak panunggalane. Sing ngedum kaos, bantuan kanggo mbangun dalan, lan liya-liyane. Kabeh mau dilakoni yen arep pilihan. Yen wis bubar pilihan... mbuh, ra weruh... Kira-kira terus mikir carane piye mbalekke "modale".....

Ana sambungane....

Jawa Suriname. Suriname Jawa

Read More..

Mbah Marijan, Wong Jowo Paling Kendel

Jawa Suriname. Suriname Jowo. Mbah Marijan, Wong Jowo Paling Kendel

Wong Jowo, wong biasa sing dudu pejabat pemerintah, sing paling misuwur sak jagad, sak ora-orane sak Indonesia, tak kiro ora ana liyane kejobo mbah Marijan. Wong sing praenane lan dandanane ketok njawani banget iki dadi misuwur amarga dheweke wani "nantang" gunung Merapi, Jawa Tengah, nalika tahun 2006 kepungkur gunung iku mbledhos.

Nalika iku kabeh wong padha diungsekke supaya slamet, nanging Mbah Marijan ora gelem dhewe alasane dheweke entuk dhawuh saka Sri Sultan Hamengkubuwono-X almarhum supaya nunggu gunung Merapi. Nyatane Mbah Marijan, ya tetep slamet, mangka wektu iku lahar gunung Merapi ora umum nggegirisi. Tur omahe Mbah Marijan cedhak banget karo lokasi lahar lan gunung Merapi.

Bar kuwi Mbah Marijan terus dadi kondang, nganti dheweke dikontrak karo PT. Sidomuncul, Semarang, kon mbintangi iklan Kuku Bima, minuman kesehatan, bareng karo Chris Jhon, bintang tinju saka Semarang sing dadi juara dunia nganti ping pirang-pirang durung ana sing bisa ngalahke nganti sasi Februari 2009 iki.

Sing tak takokke, kira-kira Mbah Marijan iku nduwe sadulur sing ana ing Suriname apa ora, ya? Sapa ngerti jebule Mbah Marijan duwe sedulur neng kana. Rak, gayeng dadine nek ana sedulure sing ngepasi maca Blog iki terus bisa titip pesen lewat Blog iki. Hayo, ana pora? Nek ana komentara?!!

Nuwun.

Read More..

Sejarahe wong Jawa ing Suriname

Jawa Suriname. Suriname Jawa


Sejarahe Wong Jawa ing Suriname. (Sumber: Wikipedia)

Ing pungkasané abad kaping 19, pamaréntah Walanda sing nduwèni jajahan ing Suriname, Amerika Kidul merlokaké kuli-kuli kanggo nyambut gawé ing perkebunan-perkebunan. Sadurungé pagawéyan iki dilakoni déning para abdi utawa budhak-budhak négro sing asalé saka Afrika. Nanging sawisé pabudhakan dijabel ing tengahing abad kaping 19, wong-wong négro sing diarani wong Kréol Suriname iki padha ninggali perkebunan lan marani kutha-kutha ing Suriname. Kanggo ngganti para kuli perkebunan, wong Walanda njaluk tulung wong Inggris. Suriname iku naté dadi jajahané Britania Raya. Kapisan wong-wong Cina padha ditekakaké. Wong Inggris banjur nekakaké kuli-kuli kontrakan saka India. Nanging wong Walanda pungkasané wedi karo wong Inggris lan ora gelem gumantung karo wong Inggris manèh.

Banjur pamaréntah Walanda nyoba nggantèni utawa nambahi wong-wong India iki sing diarani wong Hindhustan Suriname karo wong-wong saka koloniné Hindhia-Walanda; yaiku wong-wong Jawa. Wong-wong Jawa iki kapisané dijupuk mawa sistèm razzia lan dipeksa dikapalaké menyang Suriname. Nanging pungkasané diwènèhi kontrak sing kudu ditèken, senadyan sajatiné wong-wong sing biasané para tani lan buruh kasar iku tuna aksara.

Tibaké program 'transmigrasi' saka Hindhia-Walanda menyang Suriname iki kalebu suksès. Antara kurang luwih taun 1890 – 1939 ana luwih saka 33.000 jiwa wong Jawa sing digawa menyang Suriname. Menawa Perang Donya II ora pecah, mesthi bakal luwih akèh wong Jawa manèh sing digawa mrana.

Ora kabèh wong Jawa sing digawa menyang Suriname iku kalebu ètnis Jawa. Saliyané wong Jawa uga ana wong-wong Sundha lan Madura saha liya-liyané sing digawa menyang Suriname. Nanging amerga mayoritasé pancèn ètnis wong Jawa, mula akiré kabèh asimilasi dadi wong Jawa.

Yèn dideleng saka asalé, kurang luwih 70% wong Jawa iki asalé saka Jawa Tengah, 20% saka Jawa Wétan lan 10% saka Jawa Kulon. Kurang luwih 90% iku kalebu ètnis Jawa, 5% Sundha, 2,5% Madura lan liya-liyané. Kalebu kategori liya-liyané uga ana wong-wong saka Batavia utawa Jakarta.

Banjur saka wong Jawa iki, mayoritasé asalé saka tlatah Kedhu (Magelang lan saubengé). Bab iki nganti sepréné bisa dideleng ing basa Jawa Suriname sing pancèn mèmper dhéwé karo dhialèk Kedhu. Basa-basa liyané saiki wis mèh ora dipituturaké manèh déning wong Sundha, Madura lan liya-liyané. Basa-basa iki uga ora ngwèhi pengaruh ing ragam basa Jawa Suriname. Ing basa Jawa Suriname namung ana sawetara tembung-tembung Melayu, nanging tembung-tembung iki uga wis ana ing basa Jawa ing Tanah Jawa dhéwé sadurungé digawa menyang Suriname.

0O0

Read More..

Jawa Asli

Read More..